Alimlər qəlyanın ölümcül təsiri barədə xəbərdarlıq ediblər

Alimlər qəlyanın ölümcül təsiri barədə xəbərdarlıq ediblər
Tarix: 18-01-2017, 08:55

Almaniyalı həkimlər və alimlər qəlyanın ölümcül təhlükəli olması barədə əhaliyə xəbərdarlıq ediblər.
Bakuplus.az məlumat verir ki, Bavariya səhiyyə naziri Melani Qaml bu vərdişdən dərhal imtina etməyə çağırıb.

Son vaxtlar Almaniyada qəlyan tərəfdarlarının “Şişa-trend” adlı yeni hərəkatı böyük populyarlıq qazanıb. Bavariya səhiyyə naziri Melani Qaml qəlyanın siqaretdən daha zərərsiz olması barədə məlumatları uydurma adlandırıb. Almaniya qida məhsullarının təhlükəsizliyi üzrə dövlət idarəsinin analitikləri belə qənaətə gəliblər ki, qəlyan hətta tütünsüz də çox zərərlidir.

Müəyyən edilib ki, kömürün yandırılması zamanı əmələ gələn dəm qazının yüksək konsentrasiyası ürək və ağ ciyərlərdə ciddi problem yaradır və astma xəstəliyinə səbəb ola bilər.

Qəlyan çəkən insanların orqanizmində zərərli maddələr yığılır, tənəffüs sistemində daimi öskürəklə müşahidə olunan ciddi problemlər yaranır.

Almaniya səhiyyə nazirliyi əhaliyə həm tütünün, həm də tütün əvəzedicilərinin ziyanı barədə ciddi xəbərdarlıq edib.

Bu xəbər 478 dəfə oxunub.

RƏYLƏR

Facebook vasitəsi ilə siz fikirlərinizi bölüşə biləcəksiniz.