Paytaxtın Səbail rayonunda qəza zamanı bir nəfər həlak olub. Bu haqda Daxili İşlər Nazirliyinin mətbuat xidməti bu gün, 1 sentyabrda məlumat yayıb.
Azər Əliyev yolu keçərkən naməlum avtomobil tərəfindən vurulub. Əliyev yerindəcə dünyasını dəyişib.
Faktla bağlı Səbail Rayon Polis İdarəsi tərəfindən əməliyyat-axtarış tədbirləri aparılır.
Daha bir qəza Nərimanov rayonu Azadlıq və Molla Pənah Vaqif prospektlərinin kəsişməsində qeydə alınıb. “Toyota Prius” markalı avtomobil səkiyə çırpılıb. Xəsarət alan olmayıb.
