Bu gün, 5 yanvar tarixində Bakı Nəqliyyat Agentliyi 2021-ci ildə yol infrastrukturu sahəsində gördüyü işlərlə bağlı hesabat yayıb.
Təqdim olunan məlumata əsasən, paytaxtda keçən il ərzində aşağıda qeyd olunan işlər görülüb:
- 27 küçə və prospektdə 120-yə yaxın eynisəviyyəli piyada keçidi təşkil edilib
- 31 məntəqədə 179 ədəd piyada və nəqliyyat svetoforu quraşdırılıb
- Nizamlanan piyada keçidlərində 58 məntəqədə mövcud svetoforlara piyada seksiyası quraşdırılıb
- 10 məntəqə svetofor səs siqnalı ilə təchiz edilib
- 4 küçə və prospektdə səkilər “ideal səki” tələbinə uyğunlaşdırılıb
- 123 məntəqədə piyada yol göstəricisi nişanı quraşdırılıb
- 19 taksi duracaq məntəqəsi təşkil edilib
- Bilgəh qəsəbəsində, əsasən, istirahət mərkəzlərini əhatə edən 2 km-lik velosiped yolu salınıb
Hal-hazırda şəhərin mərkəzində də 7,5 km-lik velosiped zolağı tikilir, yolun 2 km hissəsində örtük atrıq vurulub.
Həmçinin, hesabatda qeyd olunub ki, 6 il ərzində 70-ə yaxın küçə və prospektdə piyada səkiləri normativ tələblərə uyğunlaşdırılıb, əlçatanlıq səviyyəsi artırılıb, piyadaların rahat hərəkəti təmin edilib.
