Nəsimi rayonunda binalarda quruculuq və yenidənqurma işləri davam etdirilir. Bu haqda 20 iyun tarixində Nəsimi Rayon İcra Hakimiyyəti xəbər verib.

Keçirilən silsilə tədbirlər çərçivəsində A.Məhərrəmov küçəsi, 4/66 ünvanında binaların həyətində quruculuq və yenidənqurma işlərinə başlanılıb.

Görülmüş işlər:

• həyətdə kök üstə qurumuş və təhlükəli vəziyyətdə olan ağaclar budanılıb, ərazidən çıxarılıb;
• yağış sularını axıdan boru və navalçalar dəyişdirilib;
• binanın həyətində olan istinad divarlarının beton konstruksiya ilə gücləndirilməsi işi aparılır.

Görüləcək işlər:

• binaların fasadı bərpa olunacaq, rənglənəcək, blokların qapı və pəncərələri yeniləri ilə əvəz olunacaq;
• hər iki binanın dam örtüyü əsaslı təmir olunacaq;
• həyətə yeni bordürlər, asfalt və tamet daşları vurulacaq;
• yeni işiqlandırma sistemi çəkiləcək.

Sakinlərin asudə vaxtlarını səmərəli keçirmələri üçün yeni yaşıllıq zolaqlarının salınması, söhbətgahlar, müxtəlif növ idman qurğuları və uşaq oyun elementlərinin quraşdırılması nəzərdə tutulub.