Xəqani küçəsində yerləşən Köhnə Bakı Dəyirmanının binası qorunan abidələr siyahısına əlavə edilə bilər. Bu haqda bu gün, 23 iyun tarixində APA Mədəni İrsin Qorunması, İnkişafı və Bərpası üzrə Dövlət Xidmətinin rəsmisi Nuridə Allahyarovaya istinadən məlumat verib.
Allahyarova vurğulayıb ki, yeni aşkar edilmiş abidələrin mühafizə olunan irs siyahısına əlavə edilməsi prosesi Nazirlər Kabinetinin razılığı ilə mərhələli şəkildə həyata keçirilir.
Daha öncə sosial şəbəkələrdə bu abidənin və bir sıra tarixi əhəmiyyətə malik abidələrin mühafizə olunan abidələr siyahısına salınmaması ilə bağlı narazılıqlar səsləndirilib.
