Bakının Nəsimi rayonunda növbəti iməcilik keçirilib. Bu haqda bu gün, 28 yanvar tarixində Bakuplus.az Nəsimi Rayon İcra Hakimiyyətinin (RİH) mətbuat xidmətinə istinadən məlumat verir.
İməcilik zamanı yolların və səkilərin, işıq dirəklərinin, işıqforların, reklam lövhələrinin, yol kənarındakı məhəccərlərin yuyulması, park və istirahət yerlərində ətraf yaşıllıqların, oturacaqların təmizlənməsi işləri aparılıb.
Keçirilən iməcilikdə ağaclar budanıb. Küçələr boyunca yağış kürəbəndləri təmizlənib. Məişət tullantılarının atıldığı konteyner meydançalarının ətrafında da ümumi sanitar təmizlik işləri görülüb.
