Paytaxtın Nəsimi rayonunda, “Şamaxinka” adlanan ərazidə avtoqəza baş verib. Bu haqda bu gün, 30 yanvar tarixində Bakuplus.az APA-ya istinadən xəbər verir.
Ramin Məmmədovun idarə etdiyi “Prius” markalı nəqliyyat vasitəsi hərəkətdə olan zaman sürücü idarəetməni itirib. Nəticədə avtomobil öncə beton yol ayırıcısına, daha sonra isə işıq dirəyinə çarpılaraq aşıb. Xəsarət alan olmayıb.
Hadisə yerinə polis əməkdaşları cəlb olunublar. Araşdırmalar davam edir.
