Bakıda bir sıra bağçalarda isti yeməklər hazır şəkildə müəssisələrə keytrinq şirkətləri tərəfindən gətirilir. Bu haqda bu gün, 30 mart tarixində Report məlumat verib.
Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyevin sözlərinə görə, bu pilot layihəsinin nəticələri müsbətdir. Layihənin əhatə dairəsinin genişləndirilməsi nəzərdə tutulub.
Nazirlik rəsmisi vurğulayıb ki, əvvəl bağçaya ərzaq verilirdi və oranın xidməti heyəti yeməyi bişirib uşaqlara paylayırdı. Lakin nazirlikdə uşaq bağçalarının mətbəxlərində hazırlanan yeməklərin uşaqlara çatmaması ilə bağlı şübhələr yaranıb. İşçilər tərəfindən məhsulların mənimsənilməsi faktları da istisna olunmayıb.
Analoji tədbirlər Gəncə, Mingəçevir və Bərdədəki dövlət uşaq bağçalarında keçirilir.
