Ədliyyə Nazirliyinin “ƏN TEZ” xidməti bu gündən etibarən Heydər Əliyev Beynəlxalq Aeroportunda fəaliyyətə başlayıb. Bu haqda bu gün, 24 avqust tarixində Bakuplus.az Report-a istinadən məlumat verir.

Həmin platforma xaricə getmək istəyən vətəndaşlar üçün yaradılıb. Səyahətçilər aeroportdan çıxmadan ən sürəti şəkildə ədliyyə xidmətlərindən yararlana bilərlər.

Mövcud olan onlayn xidmətlər:

  • yetkinlik yaşına çatmayan şəxslərin dövlət sərhədindən keçməsi üçün zəruri olan valideynlərin razılıq ərizələrinin notariat qaydada rəsmiləşdirilməsi;
  • məhkəmə qərarına əsasən, borclu şəxslərin ölkədən getmək hüququnun müvəqqəti məhdudlaşdırılması aşkar olunduğu halda borcun terminal üzərindən ödənilərək həmin məhdudiyyətin avtomatlaşdırılmış qaydada dərhal aradan qaldırılması;
  • vətəndaşlıq vəziyyəti aktlarının dövlət qeydiyyatı;
  • tələbkar qismində bəzi məhkəmə qərarlarının icrası və digər.