Paytaxtda 73 yaşlı qadın 20 gündür küçədə gecələyir. Bu haqda bu gün, 31 avqust tarixində Bakuplus.az Baku TV-yə istinadən məlumat verir.
“Bir qadının evində yaşayırdım, sonra məni qovdu. Mənim bir qızım və bir oğlum var. Halbuki baldızım onları çoxdan məndən almışdı. İndi haradadırlar, bilmirəm”, – deyə qadın bildirib.
O, həmçinin şəxsiyyət vəsiqəsi olmadığı üçün onu qocalar evinə yerləşdirmək mümkün olmadığını iddia edir. Bu səbəbdən qadın təqaüd ala bilmir, rəsmi qurumlara göndərdiyi müraciətlərə isə baxılmır.
Məsələ ilə bağlı rəsmi qurumlara təkrar müraciət göndərilib. Hazırda o, müvəqqəti olaraq polis əməkdaşları tərəfindən polis bölməsinə aparılıb.
