Sərnişinlərin rəy və təkliflərini nəzərə alaraq, Azərbaycan Dəmir Yolları (ADY) sentyabrın 15-dən Bakı və Sumqayıt arasında hərəkət edən qatarların sayını artırır. Bu haqda bu gün, 12 sentyabr tarixində Bakuplus.az ADY-yə istinadən məlumat verir.
Yeni qrafikə əsasən, Sumqayıtdan saat 06:35-də, Bakıdan isə saat 07:30-da Xırdalan istiqamətində, Sumqayıtdan saat 08:15-də Pirşağı istiqamətində yola düşən reyslər ləğv edilərək əvəzində Sumqayıtdan saat 07:50-də Pirşağı istiqamətində yola düşüb Bakıya saat 08:42-də çatan qatarın hərəkəti bərpa edilir.
Ləğv edilən reyslərlə bağlı bildirilir ki, Sumqayıtdan saat 06:35-də yola düşən və Xırdalan istiqamətində hərəkət edən qatardan istifadə edən sərnişinlər alternativ olaraq Sumqayıtdan saat 06:20 və 06:45-də yola düşən qatarlarla səfərlərini həyata keçirə biləcəklər.
Bakıdan saat 07:30-da yola düşən və Xırdalan istiqamətində hərəkət edən qatardan istifadə edən sərnişinlər isə alternativ olaraq Bakıdan saat 07:20-də yola düşən qatarlarla səfərlərini həyata keçirə biləcəklər.
Ətraflı cədvəl:
Bakı və Sumqayıt arasında hərəkət edən qatarların sayı artırılır
