Xalq artisti, ustad xanəndə Tələt Qasımovun 90 illik yubileyinə həsr olunan gecədə sənətkarın xatirəsi yad ediləcək. Bu haqda bu gün, 13 sentyabr tarixində Bakuplus.az xəbər verir.
Tələt Qasımovun xatirə gecəsi Beynəlxalq Muğam Mərkəzində oktyabrın 5-də saat 19:00-da keçiriləcək. Biletləri onlayn və şəhərin kassalarından almaq olar.
Tədbirdə xanəndənin repertuarında yer alan muğam və xalq mahnılarından ibarət konsert proqramı baş tutacaq. Proqramda Xalq artistləri Vamiq Məmmədəliyev, Mənsum İbrahimov, Teyyub Aslanov və muğam sənətimizin başqa sevilən xanəndələri çıxış edəcəklər.
