Paytaxtda iki azyaşlı bacı ana və ataları tərəfindən zorakılığa məruz qalıb. Bu haqda bu gün, 16 sentyabr tarixində Bakuplus.az Bizim.Media-ya istinadən məlumat verir.
“Təmiz Dünya” Qadınlara Yardım İctimai Birliyinin rəhbəri Mehriban Zeynalovanın sözlərinə görə, 9 və 5 yaşlı qızlar dəfələrlə döyülmə ilə qarşılaşıblar. Uşaqlar hazırda sığınacağa yerləşdirilib və tibbi müayinədən keçiriliblər. Zorakılığın səbəbi ilə bağlı Sosial Xidmətlər Agentliyi hazırda qiymətləndirmə aparır.
“Ola bilsin ki, valideynlərin psixi durumu yerində deyil. Ailədə bir 6 aylıq körpə də var. Bacılarla hazırda psixoloqlar işləyirlər. Onların növbəti dəfə də tibbi müayinəsi keçiriləcək. Əlavə ehtiyac olarsa, yenidən müraciət edəcəyik”, – deyə Zeynalova əlavə edib.
Bakıda balaca qızlar valideynləri tərəfindən zorakılığa məruz qalıblar
