Rus Evində Arif Məlikova həsr olunmuş konsert baş tutacaq. Bu haqda bu gün, 26 oktyabr tarixində Bakuplus.az Azərtac-a istinadən xəbər verir.

Bakıdakı Rus Evində Azərbaycan bəstəkarı, SSRİ Xalq artisti Arif Məlikovun 90 illik yubileyinə həsr olunmuş konsert keçiriləcək.

Tədbirdə iştirak edəcək sənətkarlar aşağıdakılardır:

  • Əməkdar artist Aleksey Miltıx;
  • Azərbaycan Dövlət Akademik Musiqili Teatrının solisti Yuliya Heydərova;
  • Qara Qarayev adına Azərbaycan Dövlət Kamera Orkestrinin solisti Renata Əbubəkirova;
  • Sənətşünaslıq üzrə fəlsəfə doktoru, BMA-nın müəllimi Nərgiz Kəngərlinin;
  • BMA-nın məktəb-studiyasının müəllimləri Ofeliya Axundova və Nuranə Zeynalova;
  • Beynəlxalq müsabiqələr laureatı Emil Malıgin;
  • Bülbül adına orta ixtisas musiqi məktəbinin şagirdi Rəna Mirağayeva;
  • Konsertmeyster Sevinc Kərimova.

Adıçəkilən şəxslərin ifasında Arif Məlikovun musiqiləri səsləndiriləcək.

Bundan əlavə, tədbirdə Aytən İbrahimovanın bəstəkarın yaradıcılığına həsr olunmuş tədqiqatının təqdimatı təşkil olunacaq.