Zəfər Gününə həsr olunmuş yürüşlər bitib.
Yürüşlərdə “Müzəffər Ali Baş Komandan!”, “Zəfərin mübarək, Azərbaycan!”, “Şəhidlər ölməz, Vətən bölünməz”, “Qarabağ Azərbaycandır!” və başqa şüarlar səsləndirilib.
10:13 – Paytaxtda Zəfər Yürüşü başlayır
Bakıda 8 Noyabr – Zəfər Günü münasibətilə orkestr müşayiəti ilə hərbi yürüş başlayıb. Bu haqda Bakuplus.az məlumat verir.
Yürüş şəhərin müxtəlif nöqtələrindən başlayaraq Bakının mərkəzinə kimi keçəcək:
- Heydər Əliyev Sarayı – Bülbül prospekti – “Nizami” Kino Mərkəzi – Neftçilər prospekti – Azadlıq meydanı – “Amay” Ticarət Mərkəzi;
- Şəhidlər xiyabanı – Alov Qüllələri kompleksi – “İçərişəhər” metrosu – Qala Qapısı – Azərbaycan Dövlət Kukla teatrı – “Azneft” dairəsi – “Bəhram Gur” heykəli;
- Q.Musabəyov parkı – Əbdürrəhman bəy Haqverdiyev küçəsi – Hüseyn Cavid prospekti – Hüseyn Cavid parkı – Parlament prospekti – Şəhidlər xiyabanı;
- “Olimpik Star” İdman və Əyləncə Mərkəzi – Səməd Vurğun küçəsi – Zabitlər parkı – Bakı Dövlət Sirki – Heydər Əliyev Sarayı – İ.Nəsimi heykəli – Neftçilər prospekti.
Yürüşə müharibə iştirakçıları, Bakının sakinləri də qoşulublar.
