Paytaxt yollarında aparılan təmir işləri yekunlaşıb. Bu haqda bu gün, 13 noyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Belə ki, 10-12 noyabr tarixlərində Alı Mustafayev küçəsi ilə Ceyhun Səlimov küçəsinin kəsişməsində yerləşən yol ötürücüsü və Əbdülvahab Salamzadə küçəsinin Ceyhun Səlimov küçəsi ilə kəsişməsində yerləşən yol ötürücüsündə təmir-bərpa işləri icra olunub.
Bundan əlavə, avtomobil tunellərində giriş və çıxışlar, eləcə də yerüstü və yeraltı piyada keçidlərində təmizlik, işıqlandırmanın bərpası, yol nişanlarının yuyulması və müxtəlif abadlıq işləri icra olunub.
