2024-cü ilin oktyabr ayınadək olan dövr ərzində Baş prokuror yanında Korrupsiyaya qarşı Mübarizə Baş İdarəsi (Baş İdarə), eləcə də tabe rayon (şəhər) prokurorluqları tərəfindən Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) ayrı-ayrı vəzifəli şəxsləri və vətəndaşlar barəsində Cinayət Məcəlləsinin müvafiq maddələri ilə cinayət işlərinin ibtidai istintaqı aparılıb.
Qafqazinfo xəbər verir ki, 2024-cü ilin oktyabrına qədər hərbi xidmətə çağırışdan yayınma ilə bağlı 56 cinayət işi başlanıb, 448 nəfər hərbi xidmətə göndərilməsi üçün müvafiq qurumlara təqdim edilib.
Baş prokurorluq tərəfindən 29 material üzrə araşdırma aparılıb, 8 cinayət işi açılıb, digər materiallarda isə araşdırmalar davam edir.
Həmçinin Hərbi Prokurorluq tərəfindən 3 vəzifəli şəxs barəsində cinayət işi başlanıb. Bu dövr ərzində 5 əməkdaş barəsində təkliflər verilib.
