Anar Məhərrəm oğlu Bayramov Azərbaycan Respublikasının səhiyyə naziri təyin edilib.
Bakuplus.az xəbər verir ki, Azərbaycan Prezidenti İlham Əliyev bu barədə sərəncam imzalayıb.
Anar Bayramov 1975-ci ildə Bakı şəhərində anadan olub. Azərbaycan Tibb Universitetində ali tibb təhsili alıb, daha sonra Azərbaycan Dövlət İqtisad Universitetində təhsilini davam etdirib. O, 2003-cü ildə tibb üzrə fəlsəfə doktoru elmi dərəcəsi alıb.
Əmək fəaliyyətinə 1998-ci ildə "MediClub" klinikasında həkim kimi başlayıb. 2002-ci ildən "A-Group" Sığorta Şirkətində müxtəlif vəzifələrdə çalışıb, sonradan şirkətin baş direktoru və İdarə Heyətinin sədri olub.
Anar Bayramov 2021-ci ildə Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri təyin edilib. Daha sonra əmək və əhalinin sosial müdafiəsi nazirinin müavini vəzifəsində çalışıb.
2026-cı il aprelin 14-də TƏBİB-in icraçı direktoru təyin olunub.
Qeyd edək ki, Anar Bayramov tibbi sığorta, səhiyyə xidmətlərinin təşkili və sosial müdafiə sahələrində fəaliyyət göstərib.
