Azərbaycan Demokrat Partiyasının (ADP) sədri Sərdar Cəlaloğlu məhkəməyə verilib.
Modern.az-ın məlumatına görə, buna səbəb onun "YouTube" kanalında ötən ilin əvvəlində yayımlanan verilişdə Kəramət adlı həmkəndlisi barədə səsləndirdiyi fikirlər olub.
"3-4 aydır kiminsə sifarişilə sosial şəbəkələrdə məni söyür, təhqir edir. Kişi öz düşməninə o sözləri utanar istifadə eləməyə, erməniyə qarşı o sözləri deməz, sosial şəbəkədə məni o cürə söyür təhqir edir", - Sərdar Cəlaloğlu deyib.
Həmkəndlisi məhkəməyə müraciət edərək partiya sədrinin onun şərəf və ləyaqətini alçaltdığını və qəsdən böhtan atdığını bildirib.
Ancaq məhkəmə xüsusi ittiham qaydasında şikayət üzrə məhkəmə baxışının keçirilməsindən və şikayətin icraata qəbul edilməsindən imtina edib.
