Rusiyalı müğənni Alsu ilk dəfə Bakıda konsert verib.
Axşam.az xəbər verir ki, tədbir "Sevgililər günü"ndə Bakı Konqres Mərkəzində keçirilib. Müğənni gecədə sevilən mahnılarını səsləndirib. Alsu tamaşaçılarla söhbətləri ilə diqqət çəkib.
O, bakılılarla tanış olduğu üçün keçmiş həyat yoldaşına təşəkkür edib:
"Bakı ilə bağlı çoxlu xoş xatirələrim var. Əsl bakılıların kim olduğunu mənə göstərdiyi üçün ona təşəkkür edirəm. Zaman keçdikcə başa düşdüm ki, bu, həqiqətən də belədir. Özünüzü alqışlayın. Siz gözəlsiniz, qonaqpərvərsiniz. Restorana gedəndə mənə elə gəldi ki, sanki hamı mənim ailəmdir. Burada çox isti və rahatdır. Mən həmişə burada sevgi ilə əhatə olunmuşam. Hamı yanıma gəlir və şəkil çəkdirmək istəyir. Çox isti sözlər deyirlər. Ümid edirəm ki, bir-birimizi daha tez-tez görəcəyik".
Sənətə gəldiyi günləri xatırlayan ifaçı "10 yaşım var idi. Uitni Hyustonu, Toni Brekstonu sevir, dinləyirdim. Qardaşımın toyunda "Cangüdən" filmindəki mahnını oxudum. Anamın rəfiqəsi yaxınlaşıb dedi ki, qızın musiqi ilə məşğul olmalıdır. Məni prodüserlə tanış etdi. Onunla görüşdük və növbəti gündə studiyaya girdik" sözlərini deyib. O, məşhur "I will always love you" mahnısını oxuyub.
Alsu gecədə Xalq artistləri Emin Ağalarov və Brilliant Dadaşova ilə də duet oxuyub.
