Azərbaycan Əmək və Əhalinin Sosial Müdafiəsi Nazirliyi tərəfindən şəhid ailələrinə və müharibə əlillərinə Bakıda və rayonlarda daha 100 mənzil və fərdi yaşayış evi verilib. Bu haqda bu gün, 7 avqust tarixində Bakuplus.az Report-a istinadən məlumat verir.
Bakıda evlərin verilməsi mərasimində nazir müavini Anar Kərimov iştirak edib.
Bakıda və rayonlarda (Bərdə, Zaqatala, Oğuz, Saatlı, İmişli, Beyləqan, Tovuz, Qazax, Salyan, Ağsu, Xaçmaz və s.) bu qrup insanlara daha 100 mənzil və fərdi yaşayış evi verilib. Yeni verilən mənzil və fərdi evlər də daxil olmaqla, postmüharibə dövründə 5100, bu il 600, ümumilikdə ötən dövrdə 13900 mənzil və fərdi ev şəhid ailələri və müharibə ilə əlaqədar əlilliyi olan şəxslərə təqdim olunub.
Dövlət başçısının müvafiq Sərəncamına əsasən, 2021-ci ilin əvvəlindən İkinci Qarabağ müharibəsinin şəhid ailələri və əlilləri mənzillə təmin olunurlar.
