Bu gün səsi ilə milyonların qəlbini fəth edən Aygün Bəylərin anım günüdür.
Bakuplus.az xəbər verir ki, Aygün Hümmətova (Bəylər) 22 avqust 1975-ci ildə Bakıda anadan olub. Ailədə 6 uşaq olublar.
1988-ci ildə yaradılan Azərbaycan Dövlət Uşaq Filarmoniyası elə həmin ildə istedadlı uşaqların müsabiqə yolu ilə filarmoniyaya qəbulunu keçirir və 13 yaşlı Aygün filarmoniyaya qəbul edilir. Peşəkar səhnəyə ilk gəlişi də elə bu dövrə təsadüf edir.
Müəllimi Bəylər Quliyevin adını özünə səhnə təxəllüsü götürmüşdü.
2002-ci ildə Azərbaycan Respublikasının Prezidenti Heydər Əliyevin sərəncamı ilə Azərbaycan Respublikasının əməkdar artisti fəxri adına layiq görülüb.
Uşaqlıq dostu olan Rəsul Vilayətlə nikahda olub. 2009-cu ildə Canan adlı qızı dünyaya gəlib.
Aygün Bəylər 6 yanvar 2024-ci ildə onkoloji xəstəlikdən vəfat edib. O, Suraxanı kənd qəbiristanlığında dəfn olunub.
Onun sənəti, xatirəsi və adı hər zaman qəlbimizdə yaşayacaq.
