Dənizdə çimərkən, xüsusilə də azyaşlılar bilmədən, istəmədən suyu udurlar. Həkimlər bunun təhlükəli olduğunu deyirlər. Bu haqda bu gün, 26 iyun tarixində Bakuplus.az ATV-yə istinadən məlumat verir.
Dənizdə çimərkən təkcə boğulma təhlükəsi ilə üz-üzə qalmırıq. Diqqət etməli olduğumuz daha bir məqam var, bu da dəniz suyunun infeksiyasıdır. Səhiyyə Nazirliyi bakteriya aşkarlanmış ərazilərin siyahısını açıqlayıb. Ancaq bu ünvanlara üz tutanların sayı kifayət qədərdir. Bu isə ciddi təhlükə mənbəyidir.
Səhiyyə Nazirliyinin mütəxəssis eksperti Emin Məmmədov deyir ki, mövsum başlayandan dənizdən sonra mədə-bağırsaq pozulmaları, ürəkbulanma, qusma halları, yüksək hərarət kimi əlamətlərlə klinikalara üz tutan pasiyentlərin sayı artıb. Dəniz suyu göz, qulaq, dəri infeksiyalarına da səbəb olur.
Mütəxəssislər vətəndaşları diqqətli olmağa çağırırlar. Dənizdən sonra hər hansı narahatlıq meydana çıxarsa, mütləq həkim müraciət etmək tövsiyə olunur.
