Reper Elşad Xose narkotik aludəçisi olmasından danışıb.
Bakuplus.az xəbər verir ki, o, bu barədə “Youtube”da yayımlanan "HH Podcast" layihəsində söz açıb.
Onun sözlərinə görə, 20 ilə yaxın müddətə qədər narkotik aludəçisi olub:
“Çox çətin idi, uzun müddət davam etdi. 20 il aludəçi oldum. Amma indi həyatımda heç bir narkotik yoxdur. Klinikaya getmədim, özüm-özümü müalicə etdim. Narkotik, narkomaniya axmaqlıqdır. Bundan xilas olmaq üçün güc tapmalısan”.
Xose, həmçinin ailəsi haqqında da danışıb:
“Möhtəşəm həyat yoldaşım var. Ancaq tam xoşbəxt deyiləm. Tam xoşbəxtlik üçün üçüncü şəxsin olması lazımdır: övlad".
Qeyd edək ki, Elşad Xose üç ildir ki, Lətifə adlı xanımla evlidir.
