Bəzi bürclər təbii olaraq daha güclü qadın enerjisi ilə tanınır. Bu enerjilər qadın xüsusiyyətlərini - şəfqət, hissiyyat və intuitivliyi əhatə edir. Belə bürclərin qadınları cazibələri ilə parıldayır, çəkicilikləri ilə işıq saçırlar.
Bu barədə Bakuplus.az-a astroloq Rəşad Hacıyev açıqlama verib.
Onun sözlərinə görə, 3 bürcə mənsub qadınlar var ki, onların qadın enerjiləri çox yüksəkdir:
“İlk sırada dayanan, Ay tərəfindən idarə olunan, cazibəsi, qadınlığı ilə par-par parıldayan Xərçəng bürcüdür. Əgər ətrafında Xərçəng bürcü qadını varsa, onun hərəkətlərindən, cilvəsindən, davranışından qadınlığın necə bir şey olduğunu görə bilərsən. Xərçənglər əl üstündə tutulmağı, diqqətdə olmağı sevirlər.
İkinci sırada Buğa bürcüdür. Bu bürclər enerjini Veneradan alırlar. Buğalar estetikanın, sənətin, cazibənin cəmidir. Həqiqətən də bu bürcün qadınlarına baxanda nə qədər fərqli auralarının olduğunu, çəkicilikləri ilə necə insanı əllərinə ala bildiklərini görə bilərik.
Üçüncü yerdə Veneranın idarə elədiyi Tərəzi bürcü gəlir. Tərəzilər doğuşdan Veneranın enerjisini daşıyırlar. Ona görə bu bürcə sahib qadınlar gözəlikləri, cazibələri ilə fərqlənirlər. Əgər bir Tərəzi bürcü qadını görmüsünüzsə, onun nə qədər zərif, çəkici, cəzbedici olduğuna şahidsiniz”.
Fidan İlqar
