Əmək və Əhalinin Sosial Müdafiəsi Nazirliyi (ƏƏSMN) tərəfindən Bakı şəhərində, eləcə də respublikanın 23 şəhər və rayonunda şəhid ailələrinə və müharibə ilə əlaqədar əlilliyi olan şəxslərə 200 mənzil və fərdi yaşayış evi verilib. Bu haqda bu gün, 30 dekabr tarixində Bakuplus.az nazirliyə istinadən məlumat verir.
Tədbir 4 saylı DOST mərkəzində keçirilib. Mənzillərin sənədlərini əmək və əhalinin sosial müdafiəsi nazirinin müavini Anar Kərimov təqdim edib.
Şəhid ailələrinə və müharibə ilə əlaqədar əlilliyi olan şəxslərə cari ildə 1500, müharibədən sonrakı dövrdə 6000, ümumilikdə isə ötən dövr ərzində 14.800 mənzil və fərdi yaşayış evi verilib.
