İnsult keçirən Xalq artisti Ənvər Həsənovun vəziyyəti ağır olaraq qalır.
Bu barədə Bakuplus.az-a aktyorun qızı Aytən Həsənova məlumat verib.
Bildirib ki, atasının vəziyyəti ağırlaşıb:
“Atamın vəziyyəti yaxşı deyil. Demək olar ki, yaddaşı yerinə gəlmir. Təzyiqi qalxır-düşür. Dərmanlar qəbul edir. Həkim bir-iki günə yenə onu müayinə etmək üçün gələcək.
Dəyişiklik yoxdur. Evdə yanında olduğum üçün məni tanıyır. Lakin başqa heç kəsi tanımır. Bizim köməyimizlə ayağa qalxır. Ancaq yatılı vəziyyətdədir. Danışa bilmir. Əvvəl heç olmasa nəyi isə izah etmək istəyirdisə, indi heç nə etmir”.
Qeyd edək ki, Ənvər Həsənov Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın Əməkdar artisti, 1 avqust 2018-ci ildə isə Xalq artisti fəxri adlarına, 6 may 2023-cü ildə Azərbaycan mədəniyyətinin inkişafında xidmətlərinə görə Azərbaycan Respublikası Prezidentinin fərdi təqaüdünə layiq görülüb.
Ə.Həsənov “Yeddi oğul istərəm” filmində Cəlal, “Dərviş Parisi partladır” filmində Şahbaz, “Babək” filmində Tərxan, “Atları yəhərləyin” filmində Sirac, “Uşaqlığın son gecəsi” filmində Murad və başqa yaddaqalan obrazlar yaradıb.
Nəzrin Vahid
