İnsult keçirən Xalq artisti Fatma Mahmudovanın vəziyyəti yaxşılaşır.
Bu barədə Bakuplus.az-a aktrisanın özü məlumat verib.
O, özünü yaxşı hiss etdiyini vurğulayıb:
“İki gündür ki, evdəyəm. Şükürlər olsun ki, özümü hər ötən gün daha yaxşı hiss edirəm. Müalicələrimi də davam etdirirəm. Hər şey daha yaxşı olacaq. Allah bütün xəstələrə şəfa versin. Maraqlanan hər kəsə təşəkkür edirəm”.
Xatırladaq ki, Xalq artisti Fatma Mahmudova yanvarın 29-da insult keçirərək özəl xəstəxanalardan birinə yerləşdirilimişdi. O, 2024-cü ildə beyin infarktı keçirib. 2025-ci ilin yanvarında ikinci dəfə eyni səbəbdən xəstəxanaya yerləşdirilib.
Qeyd edək ki, Fatma Mahmudova 1989-cu ildə Azərbaycan SSR Əməkdar artisti, 2000-ci ildə Azərbaycan Respublikasının Xalq artisti fəxri adına layiq görülüb. Prezident təqaüdçüsüdür.
Nəzrin Vahid
