Xalq rəssamı Ömər Eldarov Bakıda ucaldılan tanınmış şəxsiyyətlərin heykəlləri ilə bağlı fikirlər səsləndirib.
RTV “Youtube” kanalında yayımlanan “Qaranlıqda həqiqət” layihəsində qonaq olan heykəltaraş bir neçə heykəl haqqında tənqidi fikirlər deyib:
“Aşıq Ələsgərin heykəli heç xoşuma gəlmədi. Professionallıq tərəfdən bəyənmədim. Şəhərdəki hər heykəl gərək yüksək səviyyədə olsun. Ona görə ki, bu heykəllər qoyulur və uzun illər qalır. Koroğlunun heykəlini Tokay Məmmədov hazırlayıb. Tokay yaxşı heykəltəraş olsa da, bir neçə dəfə səhvləri olub. O, daha çox sənədlərə, yazılanlara baxırdı. Dastanda yazılıb da… Demək olar, amma göstərmək olmaz. Koroğlunun heykəlində heç nə düz deyildi. Yazılanları vizual şəkildə göstərmək olmaz”.
