Bu gün müğənni Rüfət Mehdiyevin anım günüdür. Mərhum sənətçinin vəfatından 14 il ötür.
Bakuplus.az xəbər verir ki, Rüfət Sabir oğlu Mehdiyev 7 iyul 1969-cu ildə Bakıda anadan olub.
1976-1986-cı illərdə 26 Bakı Komissarı adına Mədəniyyət sarayının piano sinfində təhsil alıb. 1986-1992-cı illərdə Azərbaycan Dövlət Universitetinin geoloji coğrafiya fakültəsində təhsil alıb 1989-cu ildən musiqi ilə məşğul olub. O, 1992-ci ildən müğənnilik fəaliyyətinə başlayıb.
İfaçı "Həyatı sevirəm", "Darıxdım", "İl keçdi", "Druzya", "Odlar yurdum" kimi sevilən mahnılar səsləndirib.
Rüfət Mehdiyevin həmçinin aktyorluq fəaliyyəti də olub. Belə ki, o, "Space TV"də "Qış nağılı" (2002) və "Baharın nağılı" (2008) film-verilişlərində çəkilib.
Sənətçi 1 fevral 2011-ci il tarixində, 42 yaşında qəfil dünyasını dəyişib. Onun ölüm səbəbi insult olub. Müğənni Nizami rayon qəbiristanlığında dəfn edilib.
Mərhumun üç qızı, bir oğlu var.
