Əməkdar artist Teymur Əmrahın müğənnilər Manaf Ağayev, Zeynəb Həsəni, Damla və Şəbnəm Tovuzlunun ifasını tərifləməsi tənqid edilib.
Axşam.az xəbər verir ki, bununla bağlı paylaşım edənlərdən biri də müğənni Elvin Abdullayev olub. O, T.Əmraha bu cür çıxışı yaraşdırmadığını deyib:
"Dünya tərsinə dönür, yoxsa mənə elə gəlir? Teymur Əmrah, ayıbdır. Pedaqoqun bu cür çıxışından sonra hansı keyfiyyətdən, uğurdan və savadlı musiqidən söhbət gedə bilər. Heç olmasa siz yox. Bilmirəm nəyin müqabilində bu cür şeylər baş verir, amma lazım deyil. İnsanları çaş-baş salmayın".
Qeyd edək ki, T.Əmrah açıqlamasında "Şəbnəm Tovuzlu, Damla, Manaf Ağayev, Zeynəb Həsəninin də səsi var. Şəbnəmin səsi dünyada ən zil səslərdən biridir. Zeynəbin səsinə vurulmuşam. Nə oxuyur, gözəl səslərlə nə xərcləyirlər, başqa mövzudur. Bu gün onlar elə gözəl səsə malik ifaçılardır ki..." sözlərini deyib.
Onu tənqid edənlər arasında müğənni Nadir Qafarzadə də yer alıb.
