Müğənni Natavan Həbibi verilişlərin birində bayağı mahnı ifa edənləri tənqid edib.
Bakuplus.az xəbər verir ki, onun tənqidinə ifaçı Xatirə İslam reaksiya verib.
Onun sözlərinə görə, bu cür mahnı oxuyanların heç bir günahı yoxdur.
"Bunun günahı həmin mahnıları sevənlərdədir. Oxuyan nə etsin? Oxuyan görür ki, tələbat "bozuk" mahnılaradır" – deyə Xatirə İslam deyib.
Natavan Həbibi isə bu sözlərə etiraz edib:
"Susa bilmərəm. Bu mövzuda susanları da qınayıram. Bu mövzuya laqeyd, biganə yanaşmaq bizə yaraşmaz. Azərbaycan musiqisi peşəkarlardan bizə əmanətdir və biz əmanətə sadiq qalıb, onu zövqsüzlük və savadsızlıqla çirkləndirməməliyik. Tamaşaçının musiqi zövqünü korlamağa qarşıyam. Bu yolda savadlı, məktəb görmüş peşəkarlar əlindən gələni əsirgəməmilidir" - Natavan qeyd edib.
