Xalq artisti Rasim Balayev səhhəti haqqında açıqlama verib.
Bakuplus.az xəbər verir ki, bu haqda aktyor "Qonaqcanlı" proqramına müsahibə verərkən danışıb:
"Dostlarım zəng edir ki, necəsən? Cavab verirəm ki, babatam. Deyirlər, bir dəfə də de ki, yaxşıyam. Deyirəm, yaxşıyam getdi. Bir az ayağımda problem var. "Babək", "Dədə Qorqud" və bir türk filmində çəkiləndə atdan yıxılmışam. 60 yaşına qədər özünü bildirmədi. Sonra özünü göstərdi. Bəzən kabinetdə oturanda belə yırtıq yaranır. Siniri sıxır və sol ayağıma vurur. Tez-tez fizioterapiyaya gedirəm. Deyirlər, qocalığı boynuna alma. Necə alma, bədəndə hiss olunur. Əsas odur ruh cavan olsun. Ruhum cavandı, amma cismim qocalıb. Cismim 77, ruh yaşım 25-dir".
Xatırladaq ki, aktyor bir müddət əvvəl əməliyyat olunub.
