Xalq şairi Rəsul Rzanın ev muzeyinin hostelə çevrilməsi ilə bağlı oğlu Anar Rzayevlə əlaqə saxlanılıb.
Globalinfo.az-a danışan Anar Rzayev xəbəri təkzib edib:
“Bunların hamısı boş sözlərdir. Hostel 2-ci mərtəbədə yerləşir, Rəsul Rzanın muzeyi 3-cü mərtəbədədir. Hazırda orada təmir işləri aparılır. Yaxın vaxtda açılışı olacaq. İndi camaat olmayan məsələni böyüdür, ağzına gələni yazır sosial şəbəkələrdə. Dediyim kimi, təmir bitən kimi muzeyin açılışı olacaq”.
***
11:49
Sosial şəbəkələrdə Xalq şairi Rəsul Rzanın ev muzeyindən görüntülər paylaşılıb.
Bakuplus.az xəbər verir ki, sözügedən görüntüdə şairin ev muzeyi lövhəsi yer alıb. Ancaq Nizami küçəsində yerləşən bu muzeyin hostel kimi fəaliyyət göstərildiyi iddia edilib.
Bu isə insanlar arasında narazılıq yaradıb. Hətta şairin oğlu Azərbaycan Yazıçılar Birliyinin (AYB) sədri Anar Rzayev tənqid edilib.
