Bakı şəhəri, Babək prospektinin Günəşli qəsəbəsi istiqamətinə gedən tərəfi sakinlər üçün ciddi təhlükə mənbəyinə çevrilib.
Bakuplus.az-a müraciət edən sakinlərin sözlərinə görə, yolun kənarında fəaliyyət göstərən avtosalon səbəbindən səki tamamilə zəbt olunub. Nəticədə piyadalar gecə-gündüz avtomobil yolundan istifadə etməyə məcbur qalır, bu da onların həyatını təhlükə altına atır.
Sakinlər bildirib ki, qarşı tərəfə keçmək üçün alternativ yol yoxdur və hər gün bu yoldan istifadə etmək məcburiyyətində qalırlar.
Məsələ ilə bağlı aidiyyəti qurumlardan tədbir görülməsi xahiş olunur.
