İnsult keçirən müğənni Nazim Pişyari (“Faytonçu”) sağalıb.
Bu barədə Bakuplus.az-a müğənni özü məlumat verib.
O, vəziyyətinin yaxşı olduğunu qeyd edib:
“Şükürlər olsun ki, hazırda çox yaxşıyam. Özümü normal hiss edirəm. Artıq ayaqdayam. Evimdəyəm, işimlə məşğulam. Müalicələrimi davam etdirirəm. Dərmanlar yazıblar. Saatla dərman qəbul edirəm. Özümü normal hiss edirəm. Hər şey qaydasındadır.
Heç kəs nədənsə sığortalanmayıb. Bu hər bir insanın başına gələ bilərdi. Havanın vəziyyətindən asılıdır. Birdən-birə təzyiqim qalxdı. Müvazinətimi itirdim, yıxıldım. Heç kəs bilmir ki, 10 dəqiqədən sonra başına nə gələcək”.
N.Pişyari bu gün klipinin təqdimat mərasiminin keçiriləcəyini qeyd edib:
“Hazırda klipimin təqdimat mərasiminə gedirəm. Flora Kərimovadan tutmuş əksər məşhur simalar olacaq. Hər kəsə mənimlə maraqlandığı üçün təşəkkür edirəm. Xalqımızın duaları məni ayaqda tutdu”.
Xatırladaq ki, yanvarın 31-də Nazim Pişyari işemik insult diaqnozu ilə özəl klinikalardan birinə yerləşdirilib. Onun vəziyyətinin ağır olduğu deyilirdi.
Nəzrin Vahid
