Bakıda yetkinlik yaşına çatmayan qızın görüntülərini sosial şəbəkələrdə yayan şəxs cinayət məsuliyyətinə cəlb edilib.
Maştağa qəsəbə sakini 2000-ci il təvəllüdlü Malik Məmmədov barəsində Cinayət Məcəlləsinin uşaq pornoqrafiyasının dövriyyəsi maddəsi ilə iş açılıb.
Araşdırmalarla müəyyən edilib ki, o, "Instagram"da tanış olduğu 14 yaşlı Südabənin intim görüntülərini əldə edərək özündə saxlayıb. Malik qızın qohumlarının telefon nömrəsini də ondan tələb edərək alıb. Bir müddət sonra münasibətlərinin pozulmasını və qızın onu sosial şəbəkədə bloklamasını bəhanə edərək qızın görüntüləri olan 5 müxtəlif videonu onun anasına və digər qohumlarına göndərib.
Cinayət işinin materialları baxılması üçün Bakı Ağır Cinayətlər Məhkəməsinə göndərilib. Məhkəmənin hökmü ilə Malik 5 il həbs cəzasına məhkum edilib.
Qeyd edək ki, adlar şərti verilib.
Mənbə: qafqazinfo.аz
