Oktyabrın 31-də Dünya Şəhərlər Günü qeyd olunur.
Bakuplus.az xəbər verir ki, bu gün planetin bütün sakinlərinin 55 faizi şəhərlərdə yaşayır.
Bəzi hesablamalara görə, 2050-ci ilədək planetin əhalisinin 75 faizi şəhərliyə çevriləcək.
Bizim yaşadığımız Bakı müstəqil Azərbaycan Respublikasının paytaxtı, böyük elmi-mədəni və sənaye mərkəzidir. Bakı qədimliyinə, ərazinin böyüklüyünə və əhalisinin sayına görə Şərqin qocaman və ən böyük şəhərlərindən biridir. Bakı şəhəri Abşeron yarımadasının cənubunda, Xəzər dənizinin sahilində yerləşir. Özündə 12 inzibati rayonu birləşdirir.
Bakı şəhərində və Abşeron yarımadasında insanlar çox qədim zamanlardan məskunlaşıblar, yaşayış məntəqələri yaradıblar. Buna səbəb Bakı şəhərinin fiziki-coğrafi şəraiti, şimaldan cənuba, qərbdən şərqə gedən miqrasiya və ticarət yollarının kəsişməsi mərkəzində yerləşməsi ("İpək Yolu"), iqlim şəraiti və ən qədim zamanlardan yer üzünə çıxan nafta adlanan yanacaq və enerji sərvəti olub.
Bakı haqqında ilk dəfə eramızdan 3500 il əvvəl birinci Misir fironu Menesanın dövründə "Ölülər Kitabında" qeyd edilib. Bakının 5,5 mindən çox yaşı var.
Bakı XII əsrdə Şirvanşahlar dövlətinin, XVI əsrdə Səfəvilər dövlətinin, XVII əsrdə Osmanlı imperiyasının, XVIII əsrdə isə Bakı xanlığının əsas şəhərlərindən biri olub.
Hazırda Bakı Qafqazda ən əhəmiyyətli turistik məkanlardan biri sayılır.
