Bakı Ağır Cinayətlər Məhkəməsində "Respublika Perinatal Mərkəzi"ində 7 körpənin öldüyü yanğınla bağlı ittiham olunan direktor və şöbə rəislərinin cinayət işi üzrə məhkəmənin növbəti iclası keçirilib.
Lent.аz xəbər verir ki, hakim Leyla Əsgərova-Məmmədovanın sədrliyi ilə keçirilən məhkəmədə istintaqının yekunlaşdığı elan olunub.
Dövlət ittihamçısı çıxış edərək Mehriban Abbasquliyevanın 3 il vəzifə tutmaq hüququndan məhrum edilməklə 8 il müddətinə, Elnur Əhmədli və Amil Mustafayevin 7 il müddətinə azadlıqdan məhrum edilməklə barələrində həbs qətimkan tədbiri seçilməsi və məhkəmə zalından həbs olunmasını istəyib. Həmçinin təqsirləndirilən şəxslərin mülkiyyətinin bir qisminin satılıb dəyən ziyanın ödənilməsinə sərf edilməsi istənilib.
Müdafiə vəkilləri çıxış üçün vaxt istəyiblər.
Növbəti proses 6 may tarixinə təyin olunub.
