"Məni polisə verib. Uşaqpulu, sosial kartımın hamısı Mehriban Xanlarovanın əlindədir. Həmin pulu uşaqlarımın təhsilinə, yeməyinə xərcləyir. Övladım telefonumla oynayanda bilmədən əli dəyib və tətbiq vasitəsi ilə bankdan kredit götürülüb. Sonra da həmin pula “TikTok”da jeton alıb. Gecə ilə bizim evimizə gəlib kartları üstümə atdı ki, kredit götürmüsən".
Bu sözləri Axşam.az-a açıqlamasında Əməkdar artist Mehriban Xanlarovanın övladlığa götürdüyü bacısı qızı Aysel Xanlarova deyib. Aysel xalasının efirdə onun haqqında verdiyi açıqlamaya aydınlıq gətirib. O bildirib ki, insanlar gerçəkləri bilmədən onu tənqid edirlər:
"Mənə dedi ki, kartdan pul oğurlanıb, gedək polisə ərizə yazaq. Amma sən demə, məni polisə şikayət edib, aparır ki, izahat yazım. Guya, pulu mən götürüb, xərcləmişəm.
Özüm ətir reklamına dəvət edirlər, gedirəm, parfum mağazalarından sifariş qəbul edirəm, “TikTok”da canlı yayım açıb orada jeton atırlar, 100 manat olanda çıxardıb xərcləyirəm. Halal yolla çalışıb, pul qazanıram. Heç vaxt zəng vurub deməmişəm ki, acam".
Aysel bildirib ki, 12 yaşında M.Xanlarovanın anası yox, xalası olduğunu öyrənib:
"Mənim anam idinsə, niyə 12 yaşımda mənə deyirdin ki, xalanam, anan deyiləm. Sona kimi analığı edərdin. Uşaqlarımı qəbiristanlığa aparıb deyir ki, nənəniz mən yox, bu qadındır. Uşaqların psixologiyası pozulur".
Qeyd edək ki, M.Xanlarova Ayseldən rəsmi imtina etdiyini açıqlayıb. O bildirib ki, 35 ildir analıq etdiyi bacısı qızını bağışlamayacaq.
***
10:59
Əməkdar artist Mehriban Xanlarova övladlığa götürdüyü bacısı qızından rəsmi olaraq imtina etdiyini açıqlayıb.
Bakuplus.az xəbər verir ki, aktrisa bu barədə televiziya proqramlarının birində danışıb:
"Rəsmi imtina etmişəm. Qızım deyil, bacımın qızıdır. Bitdi, 35 ildir saxladım, böyütdüm, maddi və mənəvi dəstək oldum. Bundan sonra mənim üçün o adda insan yoxdur. Bundan sonra öz həyatımı və anam üçün yaşamaq istəyirəm".
Mehriban Xanlarova boya-başa çatdırdığı Aysel adlı bacısı qızından incidiyini bildirib.
"Bacımın ruhu qarşısında alnım açıqdır, artıq mən məsuliyyət daşımıram. Xoşunuz gələrdi illərlə canını, gözəlliyini, yaşını – hər şeyini həsr edəsən, bir qarnı ac, bir qarnı tox qalıb onu böyədəsən, amma bir gün gəlib desinlər ki, sən nənə yox, nənəliksən. Qəbul edərsiniz?
Məhz uşaqlara deyib ki, anam da, xalam da deyil. Mənim üçün adi Mehribandır. 19 yaşından gedib, məsuliyyətini o ailə daşıyır. Mənim şəxsən imkanım olsa hətta anamı götürüb buralardan çıxıb gedərəm. Ölsəm, ölümün üstünə gəlməsin".
Daha sonra Aysel studiyaya zəng edib, Xanlarova isə onun səsini eşidib proqramı tərk edib.
