"Bir aya yaxındır anamın səhhətində ciddi problemlər yaranıb. O, septik şok keçirmişdi, sidik yollarında daş problemi var idi. Daş tam çıxarılmayıb. Bu vəziyyət zəhərlənməyə səbəb olmuşdu. Onu "Yeni Klinika"ya yerləşdirdik. Hazırda demək olmaz ki, tam yaxşıdır, koma vəziyyətindən çıxarılıb".
Bunu qaynarinfo.аz-a mərhum aktyor, Əməkdar artist Həsən Əblucun qızı Elnaz Əbluc deyib.
Elnaz Əbluc əlavə edib ki, müalicə prosesi davam edir: "Anam nə danışır, nə də tam hərəkət edə bilir, amma əvvəlki ağır vəziyyətlə müqayisədə irəliləyiş var. Müalicə davam etməlidir".
Qeyd edək ki, Azərbaycan kino və teatr sənətinin tanınmış nümayəndələrindən olan Əməkdar artist Həsən Əbluc uzun illər əvvəl vəfat edib. Onun həyat yoldaşı bir müddət əvvəl ağır vəziyyətdə reanimasiyaya yerləşdirilmişdi və hazırda müalicəsi davam etdirilir.
