Bakının Suraxanı rayonunda 39 yaşlı kişi həyat yoldaşına xəsarət yetirib.
Hadisə Bülbülə qəsəbəsində baş verib. 1987-ci il təvəllüdlü Müşfiq həyat yoldaşı Ləmanın (adlar şərtidir – red.) ondan xəbərsiz yeni telefon alaraq istifadə etməsini və ətir satışı ilə məşğul olduğunu öyrənib. Buna görə aralarında mübahisə yaranıb və kişi arvadını döyüb.
Müşfiq ifadəsində bildirib ki, həyat yoldaşının yüngül həyat tərzi keçirən qadınla yazışmalarını da ələ keçirib. O, həmin mesajları yoldaşına göstərdikdən sonra qəzəblənib və onu qarşısında oturdub. Müşfiq hər mesajı oxuduqca həyat yoldaşına bir şillə vurduğunu və ümumilikdə qadına 20 şillə vurduğunu etiraf edib.
Hadisədən sonra ər və arvad boşanmaq qərarına gəlsələr də, daha sonra barışıblar. Ləman ərindən şikayətçi olmadığını bildirib.
Suraxanı Rayon Məhkəməsinin hökmü ilə Müşfiqin barəsində cinayət təqibinə xitam verilib və o, cinayət məsuliyyətindən azad edilib.
mənbə: demokrat.az
