Bakının Xəzər rayonunda 1991-ci il təvəllüdlü Mətləb ailə münaqişəsi zamanı keçmiş həyat yoldaşı İradəyə xəsarət yetirib.
Demokrat.az xəbər verir ki, hadisə 5 avqust 2025-ci ildə Binə qəsəbəsində baş verib.
Mübahisə zamanı Mətləb İradənin sifət nahiyəsinə şillə vurub, bədəninə isə təpiklə zərbə endirib. O, məhkəmədə özünü təqsirli bilib və maddi problemlər səbəbindən aralarında tez-tez mübahisə yarandığını deyib. Cütlüyün iki övladı var.
Məhkəmənin hökmü ilə Mətləb Cinayət Məcəlləsinin 128-ci maddəsi ilə təqsirli bilinərək 6 ay müddətinə azadlığın məhdudlaşdırılması cəzasına məhkum edilib.
Qərara əsasən, o, Bakı şəhərini tərk etməməli, elektron nəzarət vasitəsi daşımalı və kütləvi tədbirlərdə iştirak etməməlidir.
Qeyd edək ki, adlar şərtidir.
