Araz Aslanlı Azərbaycan Turizm və Menecment Universitetinə (ATMU) Strateji inkişaf məsələləri üzrə prorektor vəzifəsinə təyin olunub. Bu barədə Azərbaycan Respublikasının Dövlət Turizm Agentliyinin sədri Fuad Nağıyev müvafiq əmr imzalayıb. Bu haqda bu gün, 18 oktyabr tarixində Bakuplus.az Unikal.az-a istinadən məlumat verir.
ATMU-nun aparat rəhbəri Kənan Qasımov və rektor İlham Mədətov yeni prorektoru kollektivə təqdim ediblər.
Aslanlı Türkiyənin Hacettepe Universiteti, Ankara Universiteti və Qazi Universitetində bakalavriaturadan doktoranturaya kimi təhsil alıb. Aslanlı Qarabağ problemi, enerji strategiyası, Azərbaycan xarici siyasətinin müxtəlif istiqamətləri, Türkiyənin xarici siyasəti, etnik münaqişələr və s. mövzulara dair 100-dən çox məqalənin, 5 kitabın müəllifi, 12 kitabın həmmüəllifidir.
