2025-ci ilin yanvar-iyul ayları ərzində Azərbaycanda banklara sürətli pul köçürmə sistemləri vasitəsilə 990.2 milyon manat vəsait daxil olub. Banklardan xaricə göndərilən vəsaitin həcmi isə 280.9 milyon manata bərabər olub.
Apa.az-ın Azərbaycan Mərkəzi Bankının hesabatına əsasən apardığı hesablamalara görə, əvvəlki ilin müvafiq dövrü ilə müqayisədə sürətli pul köçürmə sistemləri vasitəsilə banklara daxil olan vəsaitin həcmi 6.4% və ya 68 milyon manat, banklardan xaricə köçürmələr isə 7.3% və ya 22.1 milyon manat azalıb.
Qeyd edək ki, 2024-cü ilin yanvar-iyul ayları ərzində Azərbaycanda banklara sürətli pul köçürmə sistemləri vasitəsilə 1 milyard 58.2 milyon manat daxil olub. Banklardan xaricə göndərilən vəsaitin həcmi isə 303 milyon manat təşkil edib.
