İslam dininə aid ibadət yerlərində vakant vəzifələrin tutulması üçün müsahibə elan edilib.
Bu barədə report.az-a Dini Qurumlarla İş üzrə Dövlət Komitəsindən məlumat verilib.
Qeyd edilib ki, Komitə imam vəzifəsi üzrə 17, imam müavini vəzifəsi üzrə 31 məsciddə vakant yer elan olunub.
Bununla bərabər, kişi dini ayinlərin icraçısı vəzifəsi üzrə 9, qadın dini ayinlərin icraçısı vəzifəsi üzrə isə 4 məsciddə müsahibə elan edilib.
Müsahibədə iştirak etmək istəyən namizədlər 26 yanvar 2026-cı il saat 9:00-dan 25 fevral 2026-cı il saat 18:00-dək sənədləri elektron qaydada sened@scara.gov.az adresinə və ya kağız daşıyıcıda Dini Qurumlarla İş üzrə Dövlət Komitəsinə (Bakı şəhəri, Səbail rayonu, Əhməd Cavad küçəsi, 16, AZ 1001) təqdim etməlidirlər.
Bakı şəhəri üzrə aşağıdakı məscidlərə imam tələb olunur:
1. Bakı şəhəri, Xəzər rayonu Şüvəlan qəsəbəsi "Şeyx Sədrəddin Badikubi" məscidi – 1 yer
2. Bakı şəhəri, Qaradağ rayonu Ələt qəsəbə məscidi – 1 yer
3. Bakı şəhəri, Qaradağ rayonu Qobustan qəsəbəsi, "Şamlı" məscidi – 1 yer
4. Bakı şəhəri, Yasamal rayonu "Yasamal Hüseyniyyəsi" ibadət evi – 1 yer
Bakı şəhəri üzrə aşağıdakı məscidlərə imam müavini tələb olunur:
1. Bakı şəhəri, Xəzər rayonu Qala qəsəbəsi "Cümə" məscidi – 1 yer
2. Bakı şəhəri, Qaradağ rayonu Sahil qəsəbə məscidi – 1 yer
3. Bakı şəhəri, Xəzər rayonu Zirə qəsəbəsi "Cümə" məscidi – 1 yer
4. Bakı şəhəri Binəqədi rayonu Əliçıraq yaşayış massivi "Əliçıraq" məscidi – 1 yer
5. Abşeron rayonu Görədil qəsəbəsi "Əbdürrəhman" məscidi – 1 yer
Qadın dini ayinlərin icraçısı vəzifəsi üzrə Bakı şəhəri, Yasamal rayonu "Yasamal Hüseyniyyəsi" ibadət evində bir vakant yer var.
