Bu gün, 30 noyabr tarixində Bakı Konqres Mərkəzində “InMerge Innovation Summit” işinə başlayır. Sammit sabah da davam edəcək. Bu haqda Bakuplus.az məlumat verir.
Ölkədə 3-cü ildir keçirilən sammit dünyanın aparıcı texnologiya şirkətlərini, mütəxəssisləri və innovatorları bir araya gətirir. Bu il tədbirdə “Apple” şirkətinin qurucularından olan məşhur kompüter mühəndisi Stiv Voznyak, “Trendyol Group”un prezidenti Çağlayan Çetin, məşhur TED spikeri Maykl Ringel, “Shazam”ın təsisçisi Kris Barton kimi bir çox beynəlxalq ekspertlər iştirak edəcəklər.
Həmçinin Azəerbaycanı təmsil edən iqtisadiyyat naziri Mikayıl Cabbarov, rəqəmsal inkişaf və nəqliyyat naziri Rəşad Nəbiyev, “PAŞA Holding”in Baş icraçı direktoru Cəlal Qasımov, “Kapital Bank”ın idarə heyətinin sədri, Baş icraçı direktor Fərid Hüseynovun iştirakı ilə bir sıra təqdimatlar ediləcək, müzakirələr və seminarlar baş tutacaq.
Sammitdə elektron ticarət, sığorta texnologiyaları, süni intellekt, telekommunikasiya və bir çox mövzulara toxunulacaq.
[caption id="attachment_121588" align="alignnone" width="640"]
Foto InMerge Innovation Summit[/caption]
