Bakı Hərbi Məhkəməsində Ermənistan vətəndaşlarının davam etdirilən məhkəmə prosesində təqsirləndirilən şəxslərə hökm oxunub.
AZƏRTAC xəbər verir ki, hökmə əsasən Melikset Paşayan 19 il, Qarik Martirosyan 18 il, Davit Allahverdiyan 16 il, Levon Balayan 16 il, Vasili Beqlaryan 15 il, Qurgen Stepanyan 15 il, Erik Qazaryan 15 il müddətinə azadlıqdan məhrum ediliblər.
Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsində yekun qərar elan olunub.
****
13:49
Bakı Hərbi Məhkəməsində Ermənistan vətəndaşlarının məhkəmə prosesində təqsirləndirilən şəxslərə hökm oxunub.
AZƏRTAC xəbər verir ki, hökmə əsasən təqsirləndirilən Arayik Harutyunyan, David Babayan, David Manukyan, Davit İşxanyan, Levon Mnatsakanyan qəti olaraq ömürlük azadlıqdan məhrum etmə cəzasına məhkum olunub.
Arkadi Qukasyanla Bako Sahakyan isə 20 il müddətinə azadlıqdan məhrum edilib.
Xocalı soyqırımında iştirakını etiraf edən Madat Babayan isə 19 il müddətinə azadlıqdan məhrum olunub.
Qeyd edək ki, Arkadi Qukasyan, Bako Sahakyan və Madat Babayan 65 yaşına çatdığı üçün Azərbaycan Respublikasının Cinayət Məcəlləsinin tələblərinə əsasən onlara ömürlük azadlıqdan məhrumetmə cəzası təyin edilə bilməz.
Xatırladaq ki, haqqqında hökm çıxarılmış şəxslər Ermənistanın hərbi təcavüzü nəticəsində sülh və insanlıq əleyhinə cinayətlərdə, müharibə cinayətlərində, o cümlədən təcavüzkar müharibənin hazırlanması və aparılmasında, soyqırımında, müharibə qanunlarını və qaydalarını pozmada, habelə terrorçuluq, terrorçuluğu maliyyələşdirmədə, hakimiyyəti zorla ələ keçirmə, onu zorla saxlamada və digər çoxsaylı cinayətlər törətməkdə təqsirləndirildilər.
