Bakıda fəaliyyət göstərən 20 nömrəli avtobus xətti ilə bağlı sərnişinlər narazılıq edirlər.
Bakuplus.az-a müraciət edən sərnişinlərin sözlərinə görə, avtobuslar cədvələ uyğun hərəkət etmir, uzun fasilələrlə işləyir.
Şikayətçinin bildirdiyinə görə, bu dəfə isə sürücü yarıyolda saxlayıb və heç bir izahat vermədən sərnişinlərin avtobusdan düşməsini tələb edib. Sərnişinlər nəqliyyat vasitəsini tərk edərək saatlarla yollarda qalıb. Deyilənlərə görə, bu hal tez-tez baş verir.
Şikayətçi əlavə edib ki, sözügedən avtobus sürücülərin kefinə uyğun hərəkət edir, onların idarə etmək qabiliyyətləri isə çox pisdir.
"İşə və mənzil başına vaxtında çata bilmirik. Sürücülərə irad bildirəndə isə bizi günahkar çıxardırlar", - deyə sərnişinlərdən biri bildirib.
