Bakı Apellyasiya Məhkəməsi oğurluqda təqsirləndirilən Elvin Həbibli, Rövşən Umudov, Ülvi Əsgərov və Vəfa Həsənovanın apellyasiya şikayətini təmin etməyib.
Məlumata görə, dəstə üzvləri 2024-cü ilin oktyabrında Xəzər rayonunun Türkan qəsəbəsində yerləşən bağ evindən ümumilikdə 213 385 manat dəyərində əmlak oğurlayıblar.
Oğurlananlar arasında çay və yemək dəstləri, fincanlar, ətçəkən maşınlar, antik xalçalar, samovarlar, işıqlandırma avadanlıqları və digər əşyalar olub. Təqsirləndirilən şəxslər əmlakları hissə-hissə daşıyaraq ucuz qiymətə satıb, əldə etdikləri pulu aralarında bölüblər.
Bakı Ağır Cinayətlər Məhkəməsinin hökmü ilə Elvin Həbibli və Rövşən Umudovun hər biri 7 il, Ülvi Əsgərov 9 il, Vəfa Həsənova isə 6 il 6 ay müddətinə azadlıqdan məhrum edilib.
Mənbə: pravda.az
